რუსეთის კურსკის ოლქის გლუშკოვსკის რაიონში უკრაინის შეიარაღებული ძალების შეტევის ფონზე მცხოვრებლების ევაკუაცია გამოცხადდა. ამის შესახებ კურსკის ოლქის გუბერნატორის მოვალეობის შემსრულებელმა ალექსეი სმირნოვმა „ტელეგრამის“ საკუთარ არხზე დაწერა.
“რეგიონული ოპერატიული შტაბის მიერ მიღებულია გადაწყვეტილება მთლიანად გლუშკოვსკის რაიონის სავალდებულო ევაკუაციის შესახებ”, – აღნიშნა მან.
გუბერნატორის მოვალეობის შემსრულებლის თქმით, ევაკუაციას უხელმძღვანელებენ ძალოვანი უწყებების წარმომადგენლები და ადგილობრივი ადმინისტრაცია. სმირნოვი მოსახლეობას სთხოვს, გაგებით მოეკიდოს ევაკუაციას.
კომენტარები