ვინ დააწინაურა დეკანოზი მამალაძე და რატომ არ უდგებიან სასულიერო პირები თავდებში?

ჯვართამაღლების ეკლესიის წინამძღვარმა მამა თეოდორე გიგნაძემ ტელეკომპანია “პირველის” ეთერში ე.წ. ციანიდის საქმესა ამ საქმის საზოგადოებაზე გავლენაზე ისაუბრა: “ტკივილამდე სამარცხვინოა, რაც ხდება. ეკლესია სხვა რამეა. მე გარედან ვუყურებ პროცესებს, რადგან არ ვარ საპატრიაქროს თანამშრომელი. ეს ინტერესები, რომ ქრისტიანული არ არის, ცხადია. ყველაზე მძიმე ის არის, ვინც რწმენაში სუსტია, არ დაზარალდეს. ვინც ჯერ არ არის განვითარებული რწმენაში. სუსტი ადამიანის რწმენა, შესაძლოა, უკავშირდებოდეს გარე ავტორიტეტებს. შესაძლოა ნიჰილიზმი, გულაცრუება შემოიტანოს მრევლში ამ საკითხმა. რწმენა ავტორიტეტებზე არ არის ჩამოკიდებული. ნამდვილი რწმენა უფრო უნდა გაძლიერდეს. ეკლესიაში საიდუმლოებით მოცულობა, საზოგადოებისთვის ბარიერის არმართვა, რამის მიჩქმალვა არაბუნებრივია. ეკლესია ღია უნდა იყოს საზოგადოება. ადამიანი რომ სასულიერო პირი გახდეს, გარკვეული საფეხურები უნდა გაიაროს და ყოველ საფეხურზე, მის გვერდით იმყოფება ადამიანი, რომელიც პასუხისმგებელი ხდება სასულიერო პირის დაწინაურებაზე. საერო სამსახურშიც ასეა. არ ვარ გამომძიებელი, მაგრამ ყველა წერტილში არის ვიღაც, ვინც პასუხისმგებელია მამა გიორგის წინსვლაზე. როცა ჩემთან მოდის ახალგაზრდა ადამიანი, ვინც იწყებს სულიერ ცხოვრებას, ვეხმარები რომ გაიზარდოს, ისწავლოს და გახდეს სასულიერო პირი. მე რა თქმა უნდა პასუხისმგებელი ვარ, მასზე, როგორ მოიქცევა ის. ვერ გეტყვით სარგებლობდა თუ არა მამა გიორგი ავტორიტეტით. ეს უნდა თქვას მან, ვისთანაც მსახურობდა, დასავლეთ საქართველოში და ასევე საპატრიარქოში. იქ, ვინც გადაწყვიტა, ეს ადამიანი მაღალ თანამდებობაზე ყოფილიყო. ერთია კლინიკის დირექტორობა და მეორეა ქონების მართვა. საკვანძო საკითხია. ნდობის ხარისხი ძალიან მაღალი უნდა იყოს. რადგან ჩამოიყვანეს დასავლეთიდან, ესე იგი ვიღაცას ჰქონდა მაღალი ნდობა. მე არ მომეწონა მისი მეტყველების ფორმა, შემეცოდა ამიტომ. თუ ეს ყველაფერი დადასტურდება, შემეცოდება, იმიტომ რომ სასულიერო პირი ქრისტეს ხატტებაა და როდესაც ასეტ მდგომარეობაში აღმოაჩენს, სიბრალულს იწვევს, ნაცვლად იმისა, ქრისტეს ემსახურებოდეს, ამ მდგომარეობაშია. თუ მამა გიორგი დამნაშავეა, მე ეს არ ვიცი, სისტემა, რომელმაც ის სასულიერო პირად გამოაჩინა და ამხელა თანამდებობა ჩააბარა, პასუხისმგებელია. ადამიანი, რომელიც მას არ იცნობს, ვერ დაუდგება თავდებში. ადვოკატები რასაც ამბობენ ერთია, მეორეა ბრალდების მხარე. სად არის სიმართლე, ჯერ არ ვიცით. თუ არ დაუდგნენ, რატომ არ დაუდგნენ? ეს კითხვა მათ უნდა დავუსვათ, ვინც მას იცნობს… სადაც მსახურობდა, მის სამეგობროში უნდა მოიძებნონ ის ადამიანები, ვისაც ექნებათ პასუხი, რატომ არ უდგებიან თავდებში”, – განაცხადა მამა თეოდორე გიგნაძემ.