რუსეთის ხელისუფლებამ მოსკოვის ცენტრში უსაფრთხოების ზომები გააძლიერა, რადგან დედაქალაქში არასანქცირებული საპროტესტო მიტინგების ჩატარება იგეგმება.
რუსეული მედიის ინფორმაციით, მანეჟის მოედანი გადაკეტეს, ასევე გადაკეტილია წითელი მოედანიც, სადაც გამოსულია ომონი და გვარდია.
“სამართალდამცავო ორგანოები ყველა საჭირო ზომას მიმართავენ, რათა მოსახლეობისა და დედაქალაქის სტუმრების უსაფრთხოება დაცული იყოს”, – აცხადებენ პოლიციაში.
გავრცელებული ცნობით, მანეჟის მოედანზე სამართალდამცველებმა 2 პირი უკვე დააკავეს.
მანამდე ინტერნეტში გავრცელდა განცხადება, რომელიც მოსახლეობას 2 აპრილს დაგეგმილ აქციაში მონაწილეობისაკენ მოუწოდებდა.
კომენტარები