საპარლამენტო უმრავლესობის ლიდერის, მამუკა მდინარაძის განცხადებას, რომ სააკაშვილიც, გვარამიაც, ხაზარაძეც და გახარიაც ერთი ხელიდან მართული აგენტურაა, მმართველ გუნდში ეხმიანებიან.
საპარლამენტო ფრაქცია „ქართული ოცნების“ თავმჯდომარის პირველი მოადგილის, არჩილ გორდულაძის განცხადებით, არსებობს „კოლექტიური ნაცმოძრაობა“, რომელიც შედგება ოთხი პარტიისგან.
„ერთმანეთისგან განსხვავდებიან მხოლოდ და მხოლოდ ლოგოებით, ფერებით, საარჩევნო ნომრებით და მეტი არაფრით.
მთავარი, რაც ამ ე.წ. პარტიებს აერთიანებთ არის, რომ უცხოური გავლენისგან იმართებიან, არიან პირდაპირი აგენტურული ქსელის წარმომადგენლები, იღებენ დავალებებს და შემდეგ ამ დავალებების შესრულებით არიან ხოლმე დაკავებულები“, – აღნიშნა არჩილ გორდულაძემ.
კომენტარები