საქართველოდან ღვინის ექსპორტი 85%-ით გაიზარდა. იანვარ-მარტში 38 ქვეყანაში ექსპორტირებულია 14 199 018 ბოთლი, რაც 32,2 მილიონი დოლარის ღირებულებას შეადგენს.
ღვინის ეროვნული სააგენტოს თავმჯდომარის, გიორგი სამანიშვილის ინფორმაციით, ექსპორტის დიდი ნაწილი (63.3%) რუსეთზე მოდის, სადაც ექსპორტმა 8 987 745 ბოთლი შეადგინა. მეორე ადგილზეა ჩინეთი (1 794 200 ბოთლი), მესამეზე უკრაინა (1 305 508 ბოთლი).
ზრდამ ჩინეთში 383% შეადგინა, ისრაელში 333%, რუსეთში 120%, კანადაში 55%, პოლონეთში 27%.
ბრენდის ექსპორტი 2016 წლის პირველ კვარტალთან შედარებით 51%-ით გაიზარდა, ჭაჭის კი 142%-ით.
კომენტარები