“ვწუხვართ იმის გამო, რომ ბევრი უკმაყოფილება მოჰყვა წინა “რეაქციას”, თუმცა გადაცემა დაიგეგმა იმიტომ, რომ პრობლემა, რომელიც განსხვავებულ ადამიანებზე ძალადობას ეხებოდა, რაც უმძიმეს პრობლემად მიმაჩნია”, – ამის შესახებ საავატორო გადაცემა “რეაქცია”-ს წამყვანმა ინგა გრიგოლიამ, ტელეკომპანია “tvპირველის” ეთერში განაცხადა.
“გადაცემაში, რომელიც 1000-ჯერ გამიშუქებია და ამით გამომიხატავს ჩემი პოზიცია, მოწვეული იყო ყველა მზარე ვიზეც ძალადობენ, ვინც უმცირესობების უფლებებს იცავს და ვისთვისაც კატეგორიულად მიუღებელია უმცირესობები.
მოგვწონს არ მოგვწონს, ჩვენს ქვეყანაში ეს მხარეები არსებობს უკვებლივ ყველა სტუმარმა იცოდა ვინ იქნებოდა სტუდიაში მისი ოპონენტი, სიურპრიზი არავისთვის ყოფილა რომელიმე მათგანის იქ ყოფნა. ამიტომ, დემარში და პროტესტის ნიშნად სტუდიის დატოვება ჩვენთვის მოულოდნელი აღმოჩნდა. თუ ვინმეს არ სურდა საუბარი იქ მყოფ ოპონენტებთან, არც უნდა მოსულიყო სტუდიაში. გაგვაკვირვა ამ პროტესტმა.
გადაცემის დაგეგმვისას ბალანსი სრულიად იყო დაცული. ვერასდროს გავიზიარებთ, რომ ნებისმიერ თემზე გადაცემა ცალხმრივად უნდა გაკეთდეს.
სტუდიიდან სტუმრები რომ არ გაქცეულიყვნენ, კარგად აეხსნათ სათქმელი, ამ ქვეყანაში როგორი მძიმეა უმცირესობების ბედი, ალბათ, ეს უფრო სწორი იქნებოდა. ბალანსი ბოლომდე შენარჩუნებული და მაყურებელიც ახალ ფაქტს გაიგებდა ძალადობებზე, ყველაზე მტკივნეულ თემებზე.
ჩვენმა მაყურებელმა კარგად იცის, რომ არაერთხელ გაგვიკეთებია უმცირესობებსა და ძალადობაზე გადაცემა. დისკუსია თუ არ შედგება, ამ ქვეყანაში მუდმივად იქნება სტიგმად და ტაბუდ დადებული თემები. 5 დღით ადრე ყველამ იცოდა ოპონენტების ვინაობა. იგივე მინდა ვთქვა, მეორე მხარეზე, რომელიც ზნეობის და მორალის პედესტალიდან გვესაუბრება და პრეტენზიას გამოთქვამს, რატომ მიუძღვენით გადაცემა ტრანსგენდერ ქალებზე ძალაობას. მიუძღვენით იმიტომ, რომ საშინელი ძალადობა ხდება ამ ხალხზე, ეს არ უნდა ხდებოდეს, ამიტომ გვაკეთეთ.
ჩვენ თემა ღიად გავხსენით, დავანახეთ მაყურებელს რეალობა და ისიც, რამდენად მძიმეა 21-ე საუკუნის საქართველოში იყო განსხვავებული. გადაცემა იმისთვის კეთდება, რომ ავსახოთ ის, რაც ხდება. ხალხს მოვუყვეთ და ვუჩვენოთ ვის რა პირობებში უწევს ცხოვრება ამ ქვეყანაში. თუნდაც, რომელიმე მხარისთვის მიუღებელი სტუმრის მონაწილეობით და არა ცალმხრივად.
ღირდა თუ არა მაყურებელი დაგვეფიქრებინა იმაზე, რასაც ჩვენი ერთ-ერთი სტუმარი ტრანსგენდერი ქალი ყვებოდა? ჩემი აზრით ღირდა!”, – განაცხადა ინგა გრიგოლიამ.
ცნობისთვის, საქართველოს ჟურნალისტური ეთიკის ქარტიაში ტელეკომპანია „პირველის“ ჟურნალისტის, გადაცემა „რეაქციის“ ავტორისა და წამყვანის ინგრა გრიგოლიას წინააღმდეგ განცხადება შევიდა. საქმე ეხება 3 აპრილს გასულ გადაცემას, რომელიც ტრანსგენდერი ადამიანების უფლებრივ მდგომარეობას მიეძღვნა.