“კონკრეტულ ინფორმაციას ვფლობთ, რომ 20 და 25 ლარებს არიგებენ”

კონკრეტულ ინფორმაციას ვფლობთ, რომ 20 და 25 ლარებს არიგებენ, მაგრამ არა მგონია, რომ რაიმე სურათი შეიქმნას დღეს, – განაცხადა ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა.

დეპუტატი რადიკალური ოპოზიცია დღევანდელი აქციისთვის რეგიონებიდან მხარდამჭერების მობილიზებას გამოეხმაურა.

„მათმა [ოპოზიციის] გარე უფროსებმა სერიოზულად დაუქნიეს თითი იმასთან დაკავშირებით, რომ აბსოლუტურად ყველაფრით გეხმარებით, მაგრამ არჩევნები უზარმაზარი ანგარიშით წააგეთ და ხალხი ქუჩაში ვერ გამოგყავთო. ნათესავებიდან დაწყებული, მეზობლებით დამთავრებული, ყველასთან ხვეწნა-მუდარის რეჟიმში არიან, რომ იქნებ დღეს გამოვიდნენ და გადაარჩინონ ისინი იმისგან, რომ მათმა გარე უფროსებმა მათზე ხელი არ ჩაიქნიონ. კონკრეტულ ინფორმაციას ვფლობთ, რომ 20 და 25 ლარებს არიგებენ, მაგრამ არა მგონია, რომ რაიმე სურათი შეიქმნას დღეს“, – აღნიშნა მაჭავარიანმა.