“ ევროპამ უნდა დაარწმუნოს ტრამპის გუნდი, რომ ომი მხოლოდ რუსეთსა და უკრაინას არ ეხება”

ჩეხეთის საგარეო საქმეთა მინისტრმა, იან ლიპავსკიმ განაცხადა, რომ ევროპამ უნდა დაარწმუნოს ტრამპის გუნდი, რომ ომი მხოლოდ რუსეთსა და უკრაინას არ ეხება.

„თუ ჩვენ, როგორც ევროპას, გვინდა რაღაც დავუმტკიცოთ მას [დონალდ ტრამპს] ან დავარწმუნოთ რამეში, უნდა ვიყოთ მტკიცე. ჩვენ უნდა დავარწმუნოთ ტრამპის გუნდი, რომ ომი მხოლოდ რუსეთსა და უკრაინას არ ეხება, არამედ ეს არის გლობალური პრობლემა, რომელიც გავლენას ახდენს სასურსათო უსაფრთხოებასა და უსაფრთხოებაზე ინდო-წყნარი ოკეანის რეგიონში. თუ ევროპას სურს ტრამპს აჩვენოს, რომ ჩვენ ძლიერი ვართ, ჩვენ მზად უნდა ვიყოთ მოქმედებისთვის“, – აღნიშნა ჩეხეთის საგარეო უწყების ხელმძღვანელმა.