ის იქნება ხიდი საქართველოსა და მეზობელს შორის – ყველგან იცნობენ, უყვართ და დიდ პატივს სცემენ, – ამის შესახებ ჟურნალისტი არნო ხიდირბეგიშვილი წერს.
“რატომ აირჩია ბიძინა ივანიშვილმა მიხეილ ყაველაშვილის კანდიდატურა საქართველოს პრეზიდენტად და მთავარსარდლად?
იმიტომ რომ ის იქნება ხიდი საქართველოსა და მეზობელს შორის – ყველგან იცნობენ, უყვართ და დიდ პატივს სცემენ;
იმიტომ რომ არის სახელოვანი სპორტსმენი, ანუ ჯანმრთელი ძლიერი ტანისა და, შესაბამისად, ფხიზლად მოაზროვნე ადამიანი;
იმიტომ რომ არის ტრადიციული სექსუალური ორიენტაციის;
იმიტომ რომ არის ტრადიციული ოჯახური ღირებულებების მატარებელი – სამაგალითო მეოჯახე, მეუღლე და ოთხი შვილის მამა;
იმიტომ რომ საქართველოს პრეზიდენტის გვარი სასურველია “შვილი”-ზე თავდებოდეს
იმიტომ რომ არის 100-პროცენტიანი ქართველი – გვარით, წარმოშობით და ჰაბიტუსით (“ყ” ქართულის გარდა, არსად არ არის);
იმიტომ რომ არის სპეტაკი პიროვნება და არანაირის პოლიტიკურ მამაძაღლობებში თუ ფინანსურ მაქინაციებში მონაწილეობა არ მიუღია;
იმიტომ რომ არის სიტყვის კაცი და ერთგული თავის შეხედულებებისა და სამეგობროსი
იმიტომ რომ არის უშიშარი და საქართველოს პატრიოტი;
მგონი, საკმარისია…”, – წერს არნო ხიდირბეგიშვილი.