სერბეთში ანტისამთავრობო და მთავრობის მხარდამჭერი აქციის მონაწილეებს შორის შეტაკებები მოხდა.
როგორც ოპოზიციონემა დეპუტატმა, მარინკა ტეპიჩმა განაცხადა, ოპოზიციის მიერ ორგანიზებული საპროტესტო აქცია, სადაც შეკრებილი ხალხი ქალაქ ნოვი-სადში რკინიგზის სადგურის სახურავის ჩამონგრევას და კორუფციას აპროტესტებდა, მმართველი პარტიის მხარდამჭერებმა ჩაშალეს.
„მათ დაიწყეს ბლოკადის გარღვევა ჩვენი ჩახშობის მიზნით“, – განუცხადა ტეპიჩმა მედიას.
ოპოზიციის ლიდერები და მოქალაქეები კიდევ ერთხელ გამოვიდნენ ქუჩაში, რათა გაეპროტესტებინათ ნოემბრის დასაწყისში სერბეთის ქალაქ ნოვი-სადში რკინიგზის სადგურის სახურავის ჩამონგრევა, რასაც კორუფციას და ნეპოტიზმს აბრალებენ და აცხადებენ, რომ მომხდარი უხარისხო მშენებლობის ბრალია.
მმართველი კოალიცია ბრალდებებს უარყოფს. პრეზიდენტი ალექსანდრ ვუჩუჩი კი აცხადებს, რომ პასუხისმგებელი პირები უნდა გასამართლდნენ.
სადგურის სახურავის ჩამონგრევის გამო ტრანსპორტის, ინფრასტრუქტურის, ვაჭრობის მინისტრები გადადგნენ, ასევე თანამდებობა დატოვა სერბეთის რკინიგზის სახელმწიფო კომპანიის ხელმძღვანელმა. შემთხვევას მაშინ 15 ადამიანი ემსხვერპლა.