ისრაელის პრემიერ-მინისტრი ბენიამინ ნეთანიაჰუ აცხადებს, რომ მძევლების გასათავისუფლებლად ღაზაში ცეცხლის შეწყვეტისთვის მზად არის, თუმცა ომის დასრულებას არ დათანხმდება.
„მზად ვარ ცეცხლის შეწყვეტისთვის სამხრეთში, როცა ჩავთვლით, რომ შეგვეძლება მძევლების გათავისუფლება. მზად ვარ ცეცხლის შეწყვეტისთვის ნებისმიერ დროს“, – განაცხადა ნეთანიაჰუმ მედიასთან საუბრისას.
ისრაელის პრემიერ-მინისტრმა აღნიშნა, რომ არ დათანხმდება ომის დასრულებას, რაც „ჰამასის“ მთავარი მოთხოვნაა. ნეთანიაჰუს თქმით, ლიბანთან ზავისა და „ჰამასის“ ლიდერის, იაჰია სინვარის სიკვდილის შემდეგ პირობები მნიშვნელოვნად გაუმჯობესდა „ჰამასთან“ მძევლების გაცვლის შეთანხმებისთვის.
ბენიამინ ნეთანიაჰუს განცხადებით, ლიბანთან ზავს დათანხმდა, რადგან მათ „მიაღწიეს ზუსტად იმას, რისი მიღწევაც სურდათ“.
კომენტარები