სამების საკათედრო ტაძარში დიდი ხუთშაბათის დღესასწაულთან დაკავშირებით წირვა მიმდინარეობს

სამების საკათედრო ტაძარში დიდი ხუთშაბათის დღესასწაულთან დაკავშირებით წირვა მიმდინარეობს. საღვთო ლიტურგიას სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მღვდელმთავრებთან და სასულიერო პირებთან ერთად აღავლენს.
ტაძარში მსახურების დროს წმინდა სახარებიდან იმ მონაკვეთს წაიკითხავენ, სადაც უფლის მიერ 12 მოციქულის პირველად ზიარებაზეა საუბრი. მსახურების ბოლოს კათოლიკოს-პატრიარქი მრევლს ტრადიციული ქადაგების მიმართავს და მრევლს დღევანდეოლ დღეს მიულოცავს. მანამდე კი ტრადიციულად ფეხბანვის წესი შესრულდება, რომლის დროსაც პატრიარქი 12 სასულიერო პირს ფეხს დაბანს, ისევე როგორც ეს თავისი სიმდაბლით უფალმა გააკეთა და მოციქულებს ფეხი დაბანა. ვნების შვიდეულში დიდი ხუთშაბათი განსაკუთრებული დღეა. წმინდა სახარების მიხედვით ამ დღეს მაცხოვარმა თავის მოწაფეებთან ერთად ბოლო პასექი და ფეხთბანვა აღასრულა. უფალმა მოწაფეები პირველად აზიარა და ამით ევქარისტიის საიდუმლო დააწესა. პასექის ჟამს მაცხოვარმა ასევე მიანიშნა, რომ მას ერთ-ერთი მოწაფე, იუდა ისკარიოტელი გასცემდა.