“ნელ-ნელა გვეცლებიან ის კორიფეები, რომლებიც ქმნიდნენ ოქროს ხანას”

საპარლამენტო უმრავლესობის წარმომადგენელმა, ნუკრი ქანთარიამ მარჯანიშვილის თეატრში მსახიობ გივი ბერიკაშვილის გარდაცვალებას პატივი მიაგო.

ქანთარიამ საქართველოს გივი ბერიკაშვილის გარდაცვალება მიუსამძიმრა.
”დღეს ჩვენ ვემშვიდობებით მსახიობს ამ სიტყვით სრული მნიშვნელობით. ნამდვილად სახალხო არტისტს, რომელსაც ძალიან დიდი სიყვარული მიაქვს თავისი გულშემატკივრებისგან, ჩვეულებრივი ხალხისგან. ვფიქრობ, ეს არის მართლაც ძალიან დიდი დანაკლისი ქართული თეატრისთვის და სამწუხაროა, რომ ჩვენ ნელ-ნელა გვეცლებიან ის კორიფეები, რომლებიც ქმნიდნენ ოქროს ხანას ქართულ თეატრში”, – განაცხადა ნუკრი ქანთარიამ.
მარჯანიშვილის თეატრში გივი ბერიკაშვილის სამოქალაქო პანაშვიდი მიმდინარეობს. მსახიობს 14:00 საათზე თეატრიდან გაასვენებენ და 15:00 საათზე საბურთალოზე, ამაღლების ეკლესიის ეზოში დაკრძალავენ.