რუსული სამხედრო გემების უმეტესობამ ტარტუსის სამხედრო ბაზა უკვე დატოვა. ინფორმაციას „ბიბისი“ სატელიტურ ფოტოებზე დაყრდნობით ავრცელებს. გავრცელებული ინფორმაციით, რუსეთი სამხედრო თვითმფრინავების გაყვანას ლატაკიის ბაზიდან, სავარაუდოდ, დღეს დაიწყებს.
რუსული სამთავრობო მედიის ცნობით, მოსკოვს კონტაქტი აქვს ამბოხებულთა ლიდერებთან, რომლებიც რუსული ბაზების უსაფრთხოების გარანტიას იძლევიან. ვრცელდება ინფორმაცია იმის შესახებაც, რომ სირიის სხვადასხვა რაიონში მყოფმა ათობით რუსმა სამხედრო მოსამსახურემ რუსულ ბაზებზე დაბრუნება ვერ შეძლო. მათი ბედი ამ დრომდე უცნობია.
კომენტარები