ელენე ხოშტარია ევროპის საბჭოს გენერალურ მდივანთან შეხვედრაზე არ მივა. ამასთან დაკავშირებით მან სოციალურ ქსელში დაწერა.
„გუშინ გავაკრიტიკე ევროსაბჭოს ვიზიტის ფორმატი. განმარტება მინდა გავაკეთო.
1. ევროსაბჭო არაა ქვეყანა, ორგანიზაციაა და არანაირ აღიარებასთან კავშირი არ აქვს. წევრები ვართ მანდ. ოცნება იყენებს პროპაგანდაში და სამწუხაროა, რომ ამის საშუალება მისცეს.
2. მათი მთავარი მანდატი ადამიანის უფლებებია. პოლიტპატიმრებთან არმისვლა, ციხეში არ შესვლა ამ მომენტში მათ მეორე დიდ შეცდომად მიმაჩნია.
სრული პატივისცემით, მაგრამ ამ მიზეზების გამო შეხვედრაზეც არ მივდივარ.
ხდება ხოლმე, რომ ორგანიზაციები ცდებიან, ამაზე ლაპარაკი არ ტეხავს, მთავარი ჩვენი პოზიციების სიმყარე და პრინციპულობაა. პოლიტპატიმრების გარეშე ეს ვიზიტი არასწორია!“, – წერს ხოშტარია.
ცნობისთვის, ევროპის საბჭოს გენერალური მდივანი საქართველოში ვიზიტს განაგრძობს. ალენ ბერსე შეხვედრებს დღეს ოპოზიციასა და სამოქალაქო საზოგადოებასთან გამართავს.