შავ ზღვაში, ქერჩის სრუტის მახლობლად, სატვირთო გემი – „არსენალის გმირები“ ჩაიძირა. მის ბორტზე 12 ადამიანი იმყოფებოდა, მათ შორის რუსეთის 9, უკრაინის 2 და საქართველოს 1 მოქალაქე იყო.
„ბი ბი სის“ ცნობით, მაშველებმა ხუთი ადამიანის გადარჩენა მოახერხეს, დანარჩენების ბედი უცნობია. სატვირთო გემი რადარებიდან ოთხშაბათს დილით ადრე გაქრა. კატასტროფის ადგილზე 3,5 ბალის შტორმია. გემმა განგაშის სიგნალი გადასცა.
„რია ნოვოსტის“ ცნობით, ზღვაში ნაპოვნი ეკიპაჟის წევრები ცოცხლები არიან. გემი პანამის დროშით დაცურავდა. მას რუსეთის პორტ აზოვიდან თურქეთში ხორბალი გადაჰქონდა. სამაშველო ოპერაციას ქარი და ზღვის ღელვა ართულებს.
კომენტარები