ირანის პრეზიდენტმა, მასუდ ფეზეშქიანმა NBC News-თან ინტერვიუში განაცხადა, რომ ირანს აშშ-ის არჩეული პრეზიდენტის, დონალდ ტრამპის მკვლელობა არასდროს დაუგეგმავს.
„არანაირი გეგმა არ არსებობს“, – აღნიშნა ფეზეშქიანმა, როდესაც ჟურნალისტმა დონალდ ტრამპის მკვლელობის ირანული გეგმის არსებობის შესახებ ჰკითხა.
„ირანს არასდროს უცდია და არც აპირებს ვინმეს მოკვლას. ყოველ შემთხვევაში, რამდენადაც მე ვიცი. ჩვენ არასდროს გვიცდია ეს და არც არასდროს ვცდით“,- განაცხადა პეზეშქიანმა.
ამასთან, პეზეშქიანის თქმით, ირანი ღიაა დიალოგისთვის ტრამპის ადმინისტრაციასთან, თუმცა აღნიშნა, რომ შეერთებულმა შტატებმა წარსულში არ შეასრულა ნაკისრი ვალდებულებები.
„პრობლემა, რომელიც ჩვენ გვაქვს, არ არის დიალოგში. ეს არის ვალდებულებები, რომლებიც წარმოიქმნება საუბრისა და დიალოგისგან, რომლის შესრულებაც მოგვიწევს“, – განაცხადა ირანის პრეზიდენტმა.
პეზეშქიანის თქმით, ირანი ომს არ ეძებს, მაგრამ მზად იქნება დაიცვას თავი, თუ მის ბირთვულ ობიექტებს თავს დაესხმებიან.