შენს ქვეყანაში შენი ოჯახის დესპანი უნდა იყო და ქვეყნის გარეთ შენი ქვეყნის დესპანი – ამის შესახებ საქართველოს ფეხბურთის ფედერაციის ყოფილმა პრეზიდენტმა ზვიად სიჭინავამ აფხაზეთზე საუბრის დროს განაცხადა. მისევე თქმით, ის არ არის სეპარატისტი და უყვარს თავისი კუთხე. სიჭინავას განცხადებით, ჩვენ გვინდა დიალოგი აფხაზებთან და ოსებთან.
“ჩემი მეუღლე ნახევრად არის აფხაზი, ჩემს შვილში არის აფხაზური სისხლი და რა გინდათ მოვკლა ესენი, რომ დავამტკიცო, რომ მე ყოველთვის ვიძახი და ყოველთვის ვიტყვი, რომ აფახეზეთი არის საქართველო. ჩვენ აფხაზეთთან გვინდა დიალოგი. უნდათ დიალოგი, მაგრამ 25 წლის განმავლობაში არ ყოფილა დიალოგი. ჩვენ სულ გვინდა რომ ყველაფერი დავაბრალოთ პოლიტიკას, პოლიტიკოსებს, მთავრობას და ოღონდ ჩვენს თავს არა. ჩვენ რას ვაკეთებთ, რატომ ვართ გაჩერებულები. ყველას გვყავს აფხაზი მეგობრები, ნათესავები და ყველას სახლში ეს ხალხი ჩამოდის. ჩემთვის სოხუმი არის ნომერი პირველი, მე არ შემიძლია აფხაზეთი სოხუმის გარეშე” – განაცხადა სიჭინავამ.