აშშ–ის ადმინისტრაციამ უჩვეულო ნაბიჯი გადადგა სენატის სრული შემადგენლობის თეთრ სახლში მიწვევით, სადაც ჩრდილოეთ კორეის ბირთვულ პროგრამას განიხილავენ.
მანამდე დონალდ ტრამპმა გაეროს უშიშროების საბჭოს ჩრდილოეთ კორეის „პრობლემის საბოლოოდ მოგვარების“ მოწოდებით მიმართა.
საგანგებო თათბირზე, რომელიც თეთრ სახლში ოთხშაბათს გაიმართება, სენატის ზედა პალატის ასივე წევრი მიიღებს მონაწილეობას (ზედა პალატაში თითოეულ შტატს 2 წარმომადგენელი ყავს). თათბირს დაესწრებიან სახელმწიფო მდივანი რეკს ტილერსონი და თავდაცვის მინისტრი ჯეიმს მეტისი.
ბოლო რამდენიმე კვირის განმავლობაში ვაშინგტონმა არაერთხელ გამოხატა შეშფოთება ფხენიანის მიერ წარმოებული სარაგეტო და ბირთვული საცდელი ღონისძიებების გამო, რაც საფრთხეს უქმნის როგორც თავად სშშ–ს, ისე მის მოკავშირეებს აზია–წყნარიოკეანეთის რეგიონში.
ჩრდილოეთ კორეის წარმომადგენლები აცხადებენ, რომ ნებისმიერი ნაბიჯი, რომელსაც მათ წინააღმდეგ აშშ გადადგამს, „ტოტალური ომის“ პროვოცირებას გამოიწვევს და ფხენიანი მზადაა, ტოტალურ ომს ტოტალური ომითვე უპასუხოს.
ჩინეთმა, რომელიც ჩრდილოეთ კორეის ძირითადი მხარდამჭერია, ყველა კვეყანას თავშეკავებისკენ მოუწოდა. ჩინეთის ლიდერი სი ცზინპინი კვირას სპეციალურად დაუკავშირდა ტელეფონით დონალდ ტრამპს ფხენიანის ირგვლივ შექმნილი დაძაბულობის განსახილველად.