ე.წ. ციანიდის საქმეზე დაკავებული დეკანოზის, გიორგი მამალაძის ადვოკატი მიხეილ რამიშვილი პროკურატურის მიერ მამალაძის მიმართ წაყენებულ ახალ ბრალდებას არ არ ეთანხმება.
როგორს ადვოკატმა “პრაიმტაიმს” განუცხადა, საქმეში ახალი მტკიცებულებები არ არსებობს, ამიტომ მისთვის გაუგებარია, რატომ დაუმძიმა ბრალი პროკურატურამ დეკანოზს.
კითხვაზე, ხომ არ შეიძლება ბრალის წაყენება უკავშირდებოდეს ახალ მოწმეს, რომელიც საქმეში გამოჩნდა და რომელიც “პრაიმტაიმის” ინფორმაციით, საპატრიარქოს კლინიკის თანამშრომელია, რამიშვილმა აღნიშნა, რომ ამაზე ინფორმაცია არ აქვს.
მისი თქმით, მოწმეზე ინფორმაცია არ აქვს და არც ის იცის, რა ჩვენება მისცა მან დეკანოზის წინააღმდეგ პროკურატურაში.
რამიშვილი ფიქრობს, რომ დეკანოზის მიმართ საქმე თავიდანვე 109-ე მუხლით უნდა აღძრულიყო, არადა საქმე 108-ე მუხლით იყო აღძრული.
საქართველოს მთავარმა პროკურატურამ დაასრულა გამოძიება ბრალდებულ გიორგი მამალაძის საქმეზე და არსებითი განხილვის მიზნით საქმე წარიმართა თბილისის საქალაქო სასამართლოში. პროკურატურის განცხადებაში აღნიშნულია, რო 2017 წლის 26 აპრილს, გიორგი მამალაძეს დაუმძიმდა ბრალდება სსკ-ის 18, 109-ე მუხლის მე-3 ნაწილის „გ” ქვეპუნქტით, რაც გულისხმობს განზრახ მკვლელობის მომზადებას ანგარებით.
გარდა აღნიშნულისა, გიორგი მამალაძეს ბრალი წარდგენილი აქვს ცეცხლსასროლი იარაღის მართლსაწინააღმდეგო შეძენა-შენახვისთვის, საქართველოს სსკ-ის 236-ე მუხლის მე-2 ნაწილით.
წინასასამართლოს სხდომა თბილისის საქალაქო სასამართლოში გაიმართება 2017 წლის 5 მაისს.