უკრაინის პრეზიდენტის ოფისის ხელმძღვანელმა ანდრეი ერმაკმა საუდის არაბეთში ამერიკა უკრაინის მოლაპარაკებებს კონსტრუქციული უწოდა და განაცხადა, რომ უკრაინა ცეცხლის შეწყვეტასთან ასე ახლოს ჯერ არ ყოფილა.
მისი თქმით, ომის დასრულება ყველაზე მეტად უკრაინას სურს და ეს მხოლოდ დიპლომატიური გზითაა შესაძლებელი.
პარალელურად, „Sky News-ი ირწმუნება, რომ ამერიკული დელეგაციის წევრები მოლაპარაკებების მაგიდასთან უკრაინის ტერიტორიული მთლიანობის აღდგენის შესახებ კიევის მოსაზრებებს არ იზიარებენ და აცხადებენ, რომ ომის დასრულებისთვის უკრაინას ტერიტორიულ დათმობებზე წასვლა მოუწევს.
მსოფლიო მედია სამშვიდობო პერსპექტივის შესახებ მეტი დეტალის გარკვევას ამერიკა უკრაინის მოლაპარაკებების დასრულების შემდეგ ელის.
კომენტარები