მტრისგან შვილმოკლული და ხელისუფლებისაგან განწირული ბიჭების დედების, ბებიების, მამებისა და ბაბუების ცრემლიან თვალებში თუ ჩაუხედავთ? – ამის შესახებ ჟურნალისტი დარეჯან მეფარიშვილი წერს.
“ანწუხელიძე (არა მხოლოდ) გმირია.
შეხსენება მე და ჩემნაირებს, იმ ადამიანებისგან, ვინც ომში არ ყოფილან და სავარაუდოდ, არც მათი ოჯახის წევრებს მოუკლავთ თავი სამშობლოს დასაცავად, არ გვჭირდება!
ანწუხელიძე (და არა მხოლოდ) გმირია, დიახ!
აი, ამ 👇 ადამიანების გვარ-სახელები თუ იცის აქციის მონაწილე პატარა გოგონამ და მას რომ აჰყვნენ აქ, ფბ-ზე “დამწყებმა გმირებმა” – საინტერესოა, არა?
ხელისუფლებისაგან განწირული, მზის გულზე ქუჩაში მატლების შესაჭმელად დაყრილ-მიტოვებული, უწვერულვაშო ბიჭების შესახებ თუ იციან აქციის მონაწილეებმა.
მათი გვარ-სახელები თუ იციან?
მათ ოჯახებში თუ მისულან ოდესმე?
მტრისგან შვილმოკლული და ხელისუფლებისაგან განწირული ბიჭების დედების, ბებიების, მამებისა და ბაბუების ცრემლიან თვალებში თუ ჩაუხედავთ?
კითხვა თუ დაუსვამთ, ერთი შეხედვით უმტკივნეულო – რატომ?
და თუ იციან ეს კითხვა ვის უნდა დაუსვან?
„ეს იყო მძიმე დღეები საქართველოსთვის და მე მაინც გადავწყვიტე, წავსულიყავი, ვნახეთ მინდორში დაყრილი ჩვენი ვაჟკაცები. იმდენად საშიში იყო ჩვენი მოგზაურობა, რომ ჩვენს მანქანას მარჯვნივ და მარცხნივ ახლდა კიდევ სხვა მანქანები, რომ არ ესროლა ჩვენთვის სნაიპერს.
გორი იყო მკვდარი ქალაქი. ადამიანს ვერ დაინახავდა კაცი ქუჩაში. ეს იმას არ ნიშნავს, რომ სულ წამოსულები იყვნენ. ვერ გამოდიოდნენ ქუჩაში. ეს იყო დიდი ნუგეში ჩვენი მღვდელმთავრისთვის, რომელიც იქ იყო.
შესვლისას, როცა შევდიოდით ხელმარცხნივ იდგა პატარა მანქანა და იქ იჯდა მამაკაცი საჭესთან. ჩვენ ჩავთვალეთ, რომ ელოდება რაღაცას. მერე უკან რომ ვბრუნდებოდით, ისევ ისე იჯდა. გავაჩერებინე და ვიკითხე, ნახეთ, ხომ არაფერი უჭირს. თურმე ყოფილა გარდაცვლილი და ისევე გახევებული იყო საჭესთან.
ჩვენ წამოვიყვანეთ 7 მიცვალებული. მერე გავაგზავნე სამღვდელოება და კიდევ წამოვიყვანეთ. მინდორში რომ იყვნენ მიცვალებულები ძალინ მძიმე სურათი იყო.
მე არ ვიცოდი, რომ იწყებოდა ომი. მთავრობამ არ ჩათვალა საჭიროდ, რომ ჩემთვის ეთქვათ. ქვეყანაში იწყება ომი და პატრიარქმა არ იცის”, – – სრულიად საქართველოს კათოლიკოს-პატრიარქი, მცხეთა თბილისის მთავარეპისკოპოსი, ბიჭვინთისა და ცრუმ-აფხაზეთის მიტროპოლიტი, უწმინდესი და უნეტარესი ილია II.”, – წერს დარეჯან მეფარიშვილი.