ამ რადიკალებს იმაზე უფრო მეტი ფიასკო არ შეიძლება ჰქონოდათ, რაც სცენაზე მდგომი სალომე ზურაბიშვილია, მათი ერთადერთი სახე, რომლის გამოჩენაც შეუძლიათ, – განაცხადა პარლამენტის თავმჯდომარის მოადგილე ნინო წილოსანმა.
„მის უკან მიხეილ სააკაშვილის ბანერი, ეს მეორე სამარცხვინო პოლიტიკური აქტორი – სწორედ ეს არის ამ აქციების და მთლიანად ამ პროტესტის რეალური და ჭეშმარიტი სახე. ადგილიდან სალომე ზურაბიშვილის მიმართ სტვენებით და შეძახილებით, სოციალურ ქსელებში პოსტებით, როგორი უკმაყოფილოები იყვნენ სხვადასხვა საორგანიზაციო ნაწილით, თუ სააკაშვილის პლაკატებით და ასე შემდეგ, ჩვენ ვხედავთ რადიკალების უკან განაწყენებულ ადამიანთა ჯგუფს“, – აღნიშნა წილოსანმა.
საპროტესტო აქცია გაიმართა რუსთაველის გამზირზე, სადაც პარლამენტის მიმდებარედ საგანგებოდ მოწყობილი სცენიდან აქციის მონაწილეებსა და რადიკალური ოპოზიციის ლიდერებს სიტყვით სალომე ზურაბიშვილმა მიმართა. ზურაბიშვილი სიტყვით სააკაშვილის ბანერების ფონზე გამოვიდა. აქციის მონაწილეებისგან ყოფილი პრეზიდენტის მისამართით ისმოდა სტვენა და შეძახილები.