აშშ-ის პრეზიდენტმა, დონალდ ტრამპმა ჩრდილოეთ კორეასთან მომავალში შესაძლო კონტაქტები არ გამორიცხა. ინფორმაციას Bloomberg-ი ავრცელებს.
ტრამპმა კიდევ ერთხელ დაადასტურა, რომ მას ჩრდილოეთ კორეის ლიდერთან, კიმ ჩენ ინთან „ძალიან კარგი ურთიერთობა აქვს“.
ჟურნალისტის კითხვაზე, რომელიც ჩრდილოეთ კორეასთან შესაძლო კონტაქტებს ეხებოდა, ტრამპმა თქვა, რომ „კონტაქტები არის, მგონია, რომ ეს ძალიან მნიშვნელოვანია“.
„ეს დიდი ბირთვული ერია, და ის [კიმ ჩენ ინი] ძალიან ჭკვიანი ადამიანია“, – აღნიშნა ტრამპმა.
აშშ-ის ლიდერმა აგრეთვე დასძინა, რომ მას კიმ ჩენ ინთან „კარგი ურთიერთობები“ აქვს.
ტრამპს ჩრდილოეთ კორეასთან შესაძლო კონტაქტების შესახებ ჰკითხეს, რაზეც მან უპასუხა, რომ „შესაძლოა, რაღაც მომენტში რაღაცა გააკეთოს“.
კომენტარები