საფრანგეთის დედაქალაქ პარიზში კვირას მარინ ლე პენის მხარდამჭერი აქცია გაიმართება. ინფორმაციას ამის შესახებ ფრანგული მედია ავრცელებს.
აქცია კვირას პარიზის ერთ-ერთ მოედანზე გაიმართება – სავარაუდოდ, ვობანის მოედანზე.
მანამდე „ეროვნული გაერთიანების“ ლიდერმა, ჟორდან ბარდელამ ლე პენის მხარდასაჭერად პეტიციის დაწყების შესახებ განაცხადა და მოუწოდა, „სახალხო და მშვიდობიანი მობილიზაციის გზით“ ეჩვენებინათ, რომ „ხალხის ნება უფრო ძლიერია“.
მარინ ლე პენი ევროკავშირის სახსრების არამიზნობრივი ხარჯვის საქმეზე დამნაშავედ ცნეს.
სასამართლომ მარინ ლე პენს ოთხი წლით თავისუფლების აღკვეთა მიუსაჯა, აქედან ორი წელი შინაპატიმრობა, ორი წელი კი პირობითი სასჯელია, მას ასევე ხუთი წლით აეკრძალა თანამდებობის დაკავება.
კომენტარები