თეთრ სახლში ადასტურებენ, რომ აშშ-ის პრეზიდენტი დონალდ ტრამპი მაისში საუდის არაბეთში ჩავა.
როგორც თეთრი სახლის პრესმდივანმა, ქეროლაინ ლივიტმა განაცხადა, ვიზიტის დეტალები, მათ შორის კონკრეტული თარიღი, ჯერ კიდევ განიხილება და მოგვიანებით გახდება ცნობილი.
საუდის არაბეთი იქნება პირველი ქვეყანა, რომელსაც დონალდ ტრამპი თანამდებობის დაკავების შემდეგ ოფიციალური ვიზიტით ეწვევა.
ამასთან, რუსული მხარე საუდის არაბეთს განიხილავს, როგორც ერთ-ერთ შესაძლო ადგილს დონალდ ტრამპისა და რუსეთის პრეზიდენტ ვლადიმერ პუტინის პოტენციური შეხვედრისთვის.
თავად დონალდ ტრამპმა ცოტა ხნის წინ განაცხადა, რომ, სავარაუდოდ, „უახლოეს მომავალში“ ეწვევა საუდის არაბეთს, კატარსა და არაბთა გაერთიანებულ საამიროებს.
კომენტარები