თეა უმაღლესი რანგის პროფესიონალია და ბიჭებიც და ზუსტად ვიცი, რომ ეს ხალხი ტენდენციური არ იქნება და ზუსტად იმ შედეგს დადებენ, რომელი შედეგიც საზოგადოებრივი დაკვეთა არის, – განაცხადა გადაცემაში „იმედი LIVE“ გიორგი გამსახურდიამ პარლამენტის საგამოძიებო კომისიის მუშაობასთან დაკავშირებით, რომელიც 2003-2012 მოქმედი რეჟიმისა და რეჟიმის პოლიტიკური თანამდებობის პირების საქმიანობას სწავლობს.
მისი თქმით, „ნაცმოძრაობის“ წევრების ქმედებების შესწავლა არა მხოლოდ ხელისუფლებაში მათი მოსვლიდან, არამედ პოლიტიკაში გამოჩენის წუთიდან უნდა მოხდეს.
გიორგი გამსახურდიას განცხადებით, როგორც მინიმუმ უხერხული უნდა იყოს სალომე ზურაბიშვილისთვის, როდესაც „ნაცმოძრაობის“ ორგანიზებულ აქციაზე ზვიად გამსახურდიას ახსენებს.
„მე უფრო გავაფართოებდი დროის დიაპაზონს. ესენი [ნაციონალური მოძრაობა] საიდანაც მობრძანდნენ ქართულ პოლიტიკაში და რეები აკეთეს აი, იმ პერიოდიდან. პუტჩის პერიოდიდან და ა.შ. ამ ხალხს ნამუსი ყოფნის და ზვიადის სახელს ახსენებს სალომე ზურაბიშვილი. ამაზე იუმორიც არ მყოფნის. კომენტარიც აღარ შემიძლია. თავად მას არანაირ უხერხულობას არ უქმნის, მაგრამ ჩემთვის ეს ძალიან რთული თემაა. იმიტომ, რომ მთელი ბავშვობა ჯოჯოხეთად მიქციეს და არა მარტო მე, ყველას, ჩვენს თაობას“, – განაცხადა გიორგი გამსახურდიამ.