სერბეთს პრეზიდენტის, ალექსანდარ ვუჩიჩის განცხადებით, სერბეთში USAID-ის საქმიანობის გამოაშკარავება სხვა ქვეყნებს ამავე სცენარის განვითარებისგან თავის არიდებაში დაეხმარება.
როგორც სერბეთის პრეზიდენტმა განაცხადა, USAID-ის მიერ დაფინანსებული ორგანიზაციები ხელისუფლების ცვლილების მიზნით, მთავრობების წინააღმდეგ მტრულ პოლიტიკურ ქსელს ქმნიდნენ. ვუჩიჩმა აგრეთვე აღნიშნა, სერბეთში USAID-ის საქმიანობასთან დაკავშირებით მის ახალ წიგნში დაწერს, რომელიც „ფერად რევოლუციებს“ ეხება.
„სერბეთში USAID-ის საქმიანობასთან დაკავშირებით გამოძიება მიმდინარეობს. ამიტომ ცალკეული ფაქტების გამოაშკარავება არ შემიძლია. რაც შემიძლია გითხრათ არის ის, რომ, რა თქმა უნდა, ისინი კარგ რაღაცებს აკეთებდნენ, თუმცა ამის ფონზე აკეთებდნენ ცუდ რაღაცებსაც. ახლა ყველაფერს უნდა კარგად დავაკვირდეთ მსოფლიოს დავანახოთ, ვინაიდან მივიჩნევთ, რომ ეს სხვა ქვეყნებისთვის ძალიან სასარგებლო იქნება. ხალხმა უნდა დაინახოს, თუ როგორ ქმნიდნენ მტრულ პოლიტიკურ ქსელს ის მთავრობების წინააღმდეგ, რომლებიც არ მოსწონდათ. უნდა გამოაშკარავდეს, რა ხრიკებს მიმართავდნენ და რა მეთოდებს იყენებდნენ, როგორ იღებდნენ ფულს მაშინ, როცა ამისთვის კანონიერი საფუძველი არ გააჩნდათ. ეს ყველაფერი ძალიან სასარგებლო იქნება სხვა ქვეყნებისთვის. ამ გამოძიების დეტალები, ჩემი ახალი წიგნის შემადგენელი ნაწილიც იქნება, რომელიც „ფერად რევოლუციას“ შეეხება“, – თქვა ვუჩიჩმა.