„დიფ სთეითს“ უდიდესი მცდელობები აქვს, რომ ჩვენი ქვეყანა ზუსტად ამ „პროქსი ომში“ იყოს ჩართული, ჩვენს ქვეყანაშიც ტრიალებდეს ის უბედურება, რასაც ომის გამანადგურებელი ეფექტი ჰქვია, – განაცხადა იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ.
„სამწუხაროდ, „დიფ სთეითს“ აქვს უდიდესი მცდელობები, რომ ჩვენი ქვეყანა იყოს ჩართული ზუსტად ამ „პროქსი ომში“, ჩვენს ქვეყანაშიც ტრიალებდეს ის უბედურება, რასაც ომის გამანადგურებელი ეფექტი ჰქვია. ეს ყველაფერი რომ არ გვინდა არც ჩვენ და, შესაბამისად, რა თქმა უნდა, არ უნდა ქართველ ხალხსაც, ამიტომ გვიჭერენ უკვე ათი არჩევნების განმავლობაში მხარს“, – განაცხადა გორდულაძემ.
გორდულაძე ასევე შეეხო ვიცე-პრემიერის, მოსამართლეების და სხვა თანამდებობის პირების დასანქცირების საკითხს. მისი თქმით, დონალდ ტრამპის ადმინისტრაციის „დიფ სთეითთან“ ბრძოლის ფონზე სანქციები არ შემცირებულა.
„გუნდის დამფუძნებელი ბატონი ბიძინა ივანიშვილიც დასანქცირებულია „დიფ სთეითის“ მიერ. მის წინააღმდეგ ეს სანქციები არ შემცირებულა, რაც ძალიან სამწუხაროა, რა თქმა უნდა“, – აღნიშნა გორდულაძემ.