ბიძინა ივანიშვილმა ოპოზიცია, რომელსაც სააკაშვილი ქუჩის ოპოზიციას გვეძახდა, გაგვაერთიანა და მოახერხა ის, რომ დაასრულა ის უბედურება. ადამიანები, ვინც ჩვენთან კომისიაზე მოდის, ამბობენ, რომ რომ არა 2012 წლის 1-ლი ოქტომბერი, მე აქ [სხდომაზე] არ ვიჯდებოდიო, – განაცხადა „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის“ ხელმძღვანელმა, პარლამენტის ვიცე-სპიკერმა თეა წულუკიანმა გადაცემაში „იმედი LIVE“.
„ჩვენ რეალურად, ბიძინა ივანიშვილმა ოპოზიცია, რომელსაც სააკაშვილი ქუჩის ოპოზიციას გვეძახდა, გაგვაერთიანა და მოახერხა ის, რომ დაასრულა ის უბედურება. ადამიანები, ვინც ჩვენთან კომისიაზე მოდის, ამბობენ, რომ რომ არა 2012 წლის 1-ლი ოქტომბერი, მე აქ [სხდომაზე] არ ვიჯდებოდი, რომ არა ხელისუფლების ცვლილება, ოჯახი არ მეყოლებოდაო და ა.შ. ჩვენ ვართ ის ხელისუფლება, რომელიც მაქსიმუმს აკეთებს იმისთვის, რომ ქვეყანამ გააგრძელოს განვითარება, მიუხედავად მიმდინარე ოკუპაციისა რუსეთის მხრიდან, მიმდინარე უსამართლო თავდასხმებისა დასავლეთის ზოგიერთი ქვეყნის მიმართ და იმ ჩრდილოვანი ძალების მავნებლური პოლიტიკის, რომელიც ჩვენს ქვეყანას ებრძვის“, – აღნიშნა წულუკიანმა.