აშშ-ის პრეზიდენტი, დონალდ ტრამპი თავის სოციალურ ქსელში საფრანგეთის პარტია „ეროვნული გაერთიანების“ ლიდერის, მარინ ლე პენის წინააღმდეგ გამოტანილ განაჩენს ეხმიანება და აღნიშნავს, რომ ეს არის კუდიანებზე ნადირობა და „მემარცხენეების“ მცდელობა გააჩუმონ სიტყვის თავისუფლება.
„კუდიანებზე ნადირობა მარინ ლე პენის წინააღმდეგ კიდევ ერთი მაგალითია იმისა, თუ როგორ იყენებენ ევროპელი „მემარცხენეები“ სამართლებრივ ომს სიტყვის თავისუფლების გასაჩუმებლად და პოლიტიკური ოპონენტის ცენზურისთვის. ამჯერად ისინი ისე შორს შევიდნენ, რომ ოპონენტი ციხეში ჩასვეს“, – დაწერა ტრამპმა.
ტრამპმა აღნიშნა, რომ მასაც გამოუცდია პოლიტიკური დევნა აშშ-ში, თუმცა ამერიკაში მისმა ოპონენტებმა წარმატებას ვერ მიაღწიეს.
„მე მარინ ლე პენს არ ვიცნობ, მაგრამ ვაფასებ იმას, თუ რაოდენ გულმოდგინედ მუშაობდა ის რამდენიმე წლის განმავლობაში. ის მარცხდებოდა, მაგრამ წინსვლას აგრძელებდა. და ახლა, როცა ყველაფერი დიდი გამარჯვებით უნდა დასრულებულიყო, ის უმნიშვნელო რაღაცისთვის პასუხისგებაში მისცეს. ეს მე ბუღალტრულ შეცდომას უფრო მაგონებს. ეს ძალიან ცუდია საფრანგეთისა და დიდი ფრანგი ხალხისთვის, მიუხედავად იმისა, თუ ვის უჭერს მხარს. გაათავისუფლეთ მარინ ლე პენი!“, – დასძინა თეთრი სახლის ლიდერმა.
ცნობისთვის, რამდენიმე დღის წინ სასამართლომ მარინ ლე პენი ევროკავშირის სახსრების არამიზნობრივი ხარჯვის საქმეზე დამნაშავედ ცნო. სასამართლომ პოლიტიკოსს ოთხი წლით თავისუფლების აღკვეთა მიუსაჯა, აქედან ორი წელი შინაპატიმრობა, ორი წელი კი პირობითი სასჯელია, მას ასევე ხუთი წლით აეკრძალა თანამდებობის დაკავება.