სამხრეთ კორეის პრეზიდენტი იუნ სუკ იოლი საკონსტიტუციო სასამართლომ თანამდებობიდან გადააყენა.
საკონსტიტუციო სასამართლომ დაამტკიცა პარლამენტის მიერ მიღებული იმპიჩმენტის გადაწყვეტილება პრეზიდენტის მიერ გასულ წელს სამხედრო მდგომარეობის გამოცხადების გამო.
ქვეყნის კონსტიტუციის თანახმად, პრეზიდენტის გადაყენების შემდეგ საპრეზიდენტო არჩევნები 60 დღის ვადაში უნდა ჩატარდეს.
ახალი პრეზიდენტის ინაუგურაციამდე მოვალეობის შემსრულებელი ქვეყნის პრემიერ-მინისტრი ჰან დაკ-სუ იქნება.
მთავარი მოსამართლის მოვალეობის შემსრულებელმა განაცხადა, რომ იუნმა დაარღვია პრეზიდენტის მოვალეობა 3 დეკემბერს სამხედრო მდგომარეობის გამოცხადებით, რითიც გადააჭარბა კონსტიტუციით მინიჭებულ უფლებამოსილებებს და აღნიშნა, რომ იუნის მიერ საომარი მდგომარეობის გამოცხადებამ შექმნა ქაოსი საზოგადოების ყველა სფეროში, ეკონომიკასა და საგარეო პოლიტიკაში.
სამხრეთ კორეაში პოლიტიკური ვითარება მას შემდეგ დაიძაბა, რაც პრეზიდენტმა საომარი მდგომარეობა გამოაცხადა, რასაც ქვეყანაში საპროტესტო გამოსვლები მოჰყვა. ეროვნულმა ასამბლეამ საომარი მდგომარეობა რამდენიმე საათში გააუქმა.