ანწუხელიძეს როგორ ახსენებს ან გოგავა ან სააკაშვილი, სააკაშვილი იძახის მე დამიცვაო, ჩემი სახელი არ ახსენაო და იმის გულისთვის აწამესო. ანწუხელიძე იმის გულისთვის აწამეს, რომ გამოიქცნენ ეს კურდღლები, გოგავები, ყურაშვილები, მერაბიშვილები და ჯანდაბაშვილები. რა ხუთდღიანი ომი, მე მასწავლიან?! დღე-ნახევარში კაცი აღარ იყო, მიატოვეს იქ სამხედროების ჯგუფები, ანწუხელიძე სადაც იყო, ერაყიდან ჩამოსული ოცეული, – განაცხადა კინორეჟისორმა, გოგა ხაინდრავამ „ჟურნალისტთა ფედერაციის“ პრესკლუბში გამართულ პრესკონფერენციაზე.
მისივე თქმით, ქართულმა ჯარმა წარმოუდგენელი რამ გააკეთა და უდიდესი გმირობა გამოიჩინეს ჯარისკაცებმა, რომლებიც შემდგომ „ნაციონალურმა მოძრაობამ“ საპარლამენტო ასამბლეაზე დამნაშავეებად გამოიყვანა.
„წარმოუდგენელი რამე გააკეთეს ქართველმა მეომრებმა, არმია შემოდიოდა, 58-ე არმია და საერთოდ წესია, როდესაც არმია შემოდის მისი ხელმძღვანელი შუაში მოდის, წინ მოდიან ტანკები და ა.შ, ხრულოვი 58-ე არმიის წევრი 20 კაცმა, რომელიც მიტოვებული ჰყავდათ, იმიტომ, რომ ტელეფონების კავშირებიც აღარ ჰქონდათ, დაინახეს ეს შემომავალი კოლონა და ბრძოლა გაუმართეს და დაჭრეს. ხრულოვი! ოცმა კაცმა! აი ეს არის გმირობა, ეს არის ქართველი ჯარისკაცები! და ეს ნაძირალები ჩავიდნენ საპარლამენტო ასამბლეაზე და ქართველ ჯარს დააბრალეს და ქართველებს დააბრალეს კასეტური ბომბების გამოყენება, ომის დაწყება. ამათთან გვაქვს საქმე“, – განაცხადა გოგა ხაინდრავამ.