ტელეკომპანია ”რუსთავი 2”-ის დამფუძნებელი ჯარჯი აქიმიძე და დავით დვალი მთავარ პროკურორს ირაკლი შოთაძეს მიმართავენ.
აქიმიძე და დვალი პროკურატურისგან დაზარალებულად ცნობას ითხოვენ.
„იძულებული ვართ, მოგმართოთ თხოვნით, რათა უზრუნველყოთ დაზარალებულად ცნობის შესახებ დადგენილების ჩვენთვის გადმოცემა; ასევე გთხოვთ, დაავალოთ საქმის მწარმოებელ გამომძიებელს წერილობით გვაცნობოს, თუ რა ეტაპზეა ამჟამად გამოძიება ჩვენ მიმართ ჩადენილი სისხლის სამართლის დანაშაულის საქმეზე“, – ნათქვამია ჯარჯი აქიმიძისა და დავით დვალის მიმართვაში, რომელიც მთავარ პროკურორს გაეგზავნა.
სამაუწყებლო კომპანია „რუსთავი 2“-ის დამფუძნებლებისათვის წილების იძულებით წართმევის ფაქტზე გამოძიება 2012 წლის ნოემბრიდან მიმდინარეობს.
კომენტარები