ანი ნადარეიშვილმა ფერმერობა დაიწო. ამის შესახებ, ის ფეისბუქზე წერს.
“ნამდვილად არ მეგონა თუ ლუკმა-პურის საშოვნელად დაწყებული საქმე ასე ძალიან შემიყვარდებოდა, სოფლის მეურნეობა – ახალი აღმოჩენაა ჩემს ცხოვრებაში.
მე და ბაჩომ ჩვენს მეგობართან Romeo Sajaia-სთან ერთად გადავწყვიტეთ რამე გაგვეკეთებინა ჩვენი ოჯახების სარჩენად. არცერთმა არაფერი ვიცოდით ამ სფეროს შესახებ, თვეების განმავლობაში სამივე ყველანაირი გზით –
ეს იქნებოდა შესაბამისი ლიტერატურა, გამოცდილი ფერმერების ცოდნის გაზიარება, ფერმერთა ასოციაციები, ორგანიზაციები, უბრალოდ გლეხები და ა.შ. ვეცადეთ გვესწავლა ყველაფერი ფერმერობის, აგრონომიისა და აგროტურიზმის შესახებ. რათქმაუნდა ჯერ კიდევ სწავლის პროცესში ვართ და გამოცდილება კიდე უფრო მეტს შეგვძენს. მთავარია არ გვეშინია შევეჭიდოთ ჩვენთვის სრულიად უცხო და რთულ საქმეს.
ეს ყველაფერი კიდევ უფრო საინტერესო და საყვარელი ხდება მაშინ, როდესაც თითქმის მიტოვებულ სოფელში დაუმუშავებელი და ქვებით გავსებული მიწით იწყებ და შენს თვალწინ შენივე შრომის შედეგად ყოველდღიურად სუფთავდება და ლამაზდება იქაურობა.
ჩვენი პირველი ნაბიჯები სიმინდი და იონჯაა, გეგმები დიდი და მრავალფეროვანი გვაქვს. იმედია ჩვენს ქვეყანას ჩვენი სახით წარმატებული ფერმერები შეემატება.”