აშშ-ის პრეზიდენტმა, დონალდ ტრამპმა მაიკ უოლცი გაეროში აშშ-ის ელჩის პოსტზე წარადგინა. მაიკ უოლცი აქამდე ეროვნული უსაფრთხოების საკითხებში დონალდ ტრამპის მრჩევლის თანამდებობას იკავებდა.
„მოხარული ვარ განვაცხადო, რომ მაიკ უოლცს შევთავაზებ გაერთიანებული ერების ორგანიზაციაში შეერთებული შტატების ელჩად დანიშვნას. მაიკ უოლცი ბევრს მუშაობდა, რათა ჩვენი ერის ინტერესები პირველ ადგილზე დაეყენებინა. დარწმუნებული ვარ, რომ ის იგივეს გააკეთებს თავის ახალ როლში. ამასობაში, სახელმწიფო მდივანი, მარკო რუბიო ეროვნული უსაფრთხოების საკითხებში მრჩევლის მოვალეობას დროებით შეასრულებს, პარალელურად სახელმწიფო დეპარტამენტში თავის ძლიერ ლიდერობას გააგრძელებს. ჩვენ ერთად გავაგრძელებთ დაუღალავ ბრძოლას, რათა ამერიკა და მსოფლიო კვლავ უსაფრთხო გავხადოთ“, – აღნიშნა აშშ-ის პრეზიდენტმა.