აშშ-ის სახელმწიფო დეპარტამენტის სპიკერმა, ტემი ბრიუსმა განაცხადა, რომ აშშ სამშვიდობო მოლაპარაკებებიდან გავა, თუ პროგრესი არ იქნება მიღწეული, თუმცა ჯერჯერობით ეს მომენტი არ დამდგარა.
„თუ პროგრესი არ იქნება, ეს შეიცვლება და ეს ცვლილება ჩვენს, როგორც შუამავლის როლს შეეხება, თუმცა ჯერჯერობით ეს მომენტი არ დამდგარა. ამ მხრივ გადაწყვეტილებას პრეზიდენტი და სახელმწიფო მდივანი მიიღებენ“, – აღნიშნა ტემი ბრიუსმა.
მან აღნიშნა, რომ მაშინაც კი, თუ აშშ უარს იტყვის უკრაინის სამშვიდობო მოლაპარაკებებში შუამავლის როლზე, ეს არ ნიშნავს, რომ ვაშინგტონი უარს იტყვის ზავის სურვილზე ან მოლაპარაკებების პროცესში დახმარებაზე.
„თუ ორ მხარეს შორის პროგრესი არ იქნება, ამ ფორმატში შუამავლის როლიდან გავალთ. ეს არ ნიშნავს, რომ უარს ვამბობთ ცეცხლის შეწყვეტისკენ სწრაფვაზე ან იმაზე, რომ ყველაფერი გავაკეთოთ ამ ფორმატის დასახმარებლად ან მთლიანად კონფლიქტის დასასრულებლად“, – დასძინა ტემი ბრიუსმა.