ალბათ გადაწყვიტა, რომ დემოკრატია სხვა ქვეყანაში ააშენოს, ან ძალიან მოსწონს ის დემოკრატიული სტანდარტები, რაც ამა თუ იმ ქვეყანაში არის, – განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა დავით დოიაშვილზე საუბრისას.
„ამ ადამიანს, ისვე როგორც მის კოლეგებს, აბსოლუტურად არ აღელვებთ არც დემოკრატია და არც თავისუფლება, ერთადერთი, რაც აღელვებთ, ეს არის ფული. სადაც მეტს გადაუხდიან იქ წავა. ყველა ადამიანს აქვს იმის უფლება, რომ სადაც საკუთარ თავს ბედნიერად იგრძნობს და დაინახავს იქ წავიდეს და ის გადაწყვეტილება მიიღოს, ეს მათზეა დამოკიდებული, მაგრამ ჩვენ არ მივიღებთ, როდესაც ასეთი ადამიანები მორალური თუ სხვადასხვა არგუმენტებით კიცხავენ საქართველოს ხელისუფლებას და ამუნათებენ საქართველოს მოსახლეობას“, – აღნიშნა ლევან მახაშვილმა.
ორმაგი სტანდარტი და უპრინციპობა- შეფასებები კეთდება დავით დოიაშვილზე, რომელიც საქმიანობას ჩინეთში განაგრძობს. არსებული ინფორმაციით, მან შანხაის თეატრთან კონტრაქტი გააფორმა. მის ამ გადაწყვეტილებას სოციალურ ქსელში აქტიურად განიხილავენ და წერენ რომ დოიაშვილმა დასი მიატოვა და როგორც თავად უწოდებდნენ, კომუნისტურ ჩინეთში გაიქცა. დოიაშვილს ნაციონალური მოძრაობა იცავს.