რუსეთის შეიარაღებულმა ძალებმა გამთენიისას უკრაინის ქალაქი ხარკოვი უპილოტო საფრენი აპარატებით დაბომბა. ინფორმაციას უკრაინული მედია ავრცელებს.
მედიის თანახმად, დაიბომბა ქალაქის შევჩენკოს, კიევის, ხოლოდნოგორისა და ინდუსტრიული რაიონები. დაბომბვის შედეგად ქალაქში დაზიანდა სახლები, ავტომობილები, ბარები, რესტორნები, კერძო ობიექტები, აგრეთვე ინფრასტრუქტურა.
ხარკოვის საოლქო სამხედრო ადმინისტრაციის ხელმძღვანელის, ოლეგ სინეგუბოვის თქმით, ქალაქი ოცმა რუსულმა უპილოტო საფრენმა აპარატმა დაბომბა. წინასწარი ინფორმაციით, დაშავდა ოთხი ადამიანი. ორს ჰოსპიტალიზაცია დასჭირდა.
კომენტარები