ინდოეთსა და პაკისტანს შორის სასაზღვრო მონაკვეთში შეიარაღებული კონფლიქტი მწვავდება, პაკისტანი ქალაქ ჯამუს ბომბავს. მედიის ინფორმაციით, პაკისტანი ინდოეთის კონტროლირებულ ტერიტორიაზე მდებარე ქალაქს უპილოტო აპარატებით ესხმის თავს, რომლებიც ჩაშენებული ქობინებით სამიზნეებს ეჯახებიან.
კონფლიქტის ზონაში ინდოეთის საჰაერო თავდაცვის სისტემა მუშაობს. ადგილობრივების ცნობით, ობიექტები ჯამუს აეროპორტის მახლობლად აფეთქდა.
თავდასხმის გამო, ქალაქ ჯამუში ელექტროენერგია გამორთეს. საომარი მოქმედებების ფონზე, აშშ-ის სახელმწიფო მდივანი, მარკო რუბიო ტელეფონით ესაუბრა პაკისტანის პრემიერ-მინისტრს, შაჰბაზ შარიფს. რუბიომ პაკისტანს და ინდოეთს დეესკალაციისკენ მოუწოდა. თავის მხრივ, შარიფმა აღნიშნა, რომ სუვერენიტეტს და ტერიტორიულ მთლიანობას ნებისმიერ ფასად დაიცავს.
კომენტარები