ოპოზიციონერები ქუჩაში არიან დარჩენილები, არანაირი პლატფორმა არ გააჩნიათ სალაპარაკო და რაღაც საკენკებს უყრიან ხოლმე, ხან ბატონი ჯო უილსონი, ხან რომელიღაც ევრო ბიუროკრატი, – განაცხადა გადაცემაში „იმედის კვირა“ საპარლამენტო უმრავლესობის წევრმა, ფრაქცია „ქართული ოცნების“ თავმჯდომარის მოადგილემ, ლევან მაჭავარიანმა „MEGOBARI აქტზე“ საუბრისას.
„ბატონი ჯო უილსონი გამოირჩევა იმით, რომ ერთი-ერთში იმ მესიჯბოქსს ატარებს, რასაც „ნაციონალური მოძრაობა“. მის პოსტებს თუ გადავხედავთ, რასაც დილით დაწერს ქალბატონი თინა ბოკუჩავა, საღამოს იმას დაწერს, ერთი-ერთში გადათარგმნილს ბატონი ჯო უილსონი. ეს არის ჩვეულებრივი ლობისტი.
რაც ამ მტრულ აქტში წერია, სულ რომ კანონად იქცეს, ეს მაინც არ აიძულებს ბატონ ტრამპს, რომ აღსრულებაში, მოიყვანოს თუ ამის სურვილი არ ექნება. თუ კანონად იქცევა ეს ყველაფერი, ეს ერთგვარი ტესტია, თუ რამდენად არის შესუსტებული არაფორმალური ოლიგარქიული მმართველობა აშშ-ში ამ დროისთვის“, – აღნიშნა ლევან მაჭავარიანმა.