რუსეთის პრეზიდენტის პრესმდივანმა, დიმიტრი პესკოვმა განაცხადა, რომ დასავლელი ლიდერების მოთხოვნა, ცეცხლის შეწყვეტისა და უკრაინაში სამშვიდობო მოლაპარაკებების დაწყების შესახებ ულტიმატუმია, რომელიც მიუღებელია.
„ამ გაფრთხილებამდე ორი დღით ადრეც მოვისმინეთ გაფრთხილება. თუ გახსოვთ, ისიც საკმაოდ ულტიმატუმის ფორმით იყო გაჟღერებული. ულტიმატუმების ასეთი ენა რუსეთისთვის მიუღებელია. რუსეთთან ასე საუბარი არ შეიძლება“, – აღნიშნა კრემლის ოფიციალურმა წარმომადგენელმა.
პესკოვის მტკიცებით, რუსეთი „გრძელვადიანი მშვიდობიანი მოგვარების გზების სერიოზულ ძიებაზეა“ ორიენტირებული.
კომენტარები