ლონდონის პოლიციამ დააკავა 21 წლის მამაკაცი, რომელიც ეჭვმიტანილია ბრიტანეთის პრემიერ-მინისტრ კირ სტარმერთან დაკავშირებულ სახლებთან ხანძრის გაჩენაში. ინფორმაციას ამის შესახებ „ბიბისი“ ავრცელებს.
მედიის ცნობით, პირველი ინციდენტი გასულ კვირას მოხდა. მეხანძრეები ავტომობილის ხანძართან დაკავშირებით გამოიძახეს, რომელიც იმავე ქუჩაზე იდგა, რომელზეც კირ სტარმერის სახლი მდებარეობს.
კვირის ბოლოს საგანგებო სამსახურები ისლინგტონში გამოიძახეს, სადაც ცეცხლი სტარმერთან დაკავშირებული შენობის შესასვლელთან გაჩნდა. მესამე ხანძარი ბრიტანეთის პრემიერ-მინისტრის პირად სახლში გაჩნდა, რომელიც ლონდონში მდებარეობს. სახანძრო სამსახურმა ცეცხლის 20 წუთში ჩააქრო.
პოლიციის ინფორმაციით, არცერთ შემთხვევაში არავინ დაშავებულა, გამომძიებლები ყველა ხანძარს საეჭვოდ მიიჩნევენ და ამოწმებენ, არსებობს თუ არა კავშირი მათ შორის.