საქართველოს პარლამენტის თავმჯდომარის პირველი მოადგილე გიორგი ვოლსკი სოფელ ჩორჩანაში 2019 პოლიციის საგუშაგოს გახსნის შედეგებზე საუბრობს. მისი განცხადებით, შედეგი მძიმე და სავალალოა.
„შედეგი არის მძიმე და სავალალო, რაც მივიღეთ ისედაც ურთულეს სიტუაციაში. აქედან გამომდინარე უნდა ვიმსჯელოთ. საოკუპაციო ტერიტორიას მოემატა მილიონი კვადრატული მეტრ და თანაც ისეთი ადგილები, სადაც ადგილობრივი მოსახლეობა ყოველდღიური ცხოვრებისთვის რაღაც გარკვეულ რესურსს იღებდა. ასე რომ, მძიმე შედეგი რასაკვირველია, არ უნდა დარჩეს უყურადღებოდ”, – განაცხადა გიორგი ვოლსკიმ.
საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისათვის და უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარების და საქართველოს კონსტიტუციური წყობილების და ეროვნული უშიშროების საფუძვლების წინააღმდეგ მიმართული საქმიანობისთვის ფინანსების მობილიზების ფაქტზე გენერალურ პროკურატურაში გამოძიება გრძელდება. გამოკითხვაზე იმყოფება ჩორჩანაში მცხოვრები ელგუჯა ხარაზიშვილი.