მოსკოვის „შერემეტიევოს“ აეროპორტში უცნობმა მამაკაცმა, რომელიც ნარკოტიკების ზემოქმედების ქვეშ იყო, გვერდზე მდგომი ორი წლის ბავშვი ხელში აიყვანა და მთელი ძალით ძირს დაახეთქა. ინფორმაციას რუსული მედია ავრცელებს.
ბავშვი კომაშია. ის საავადმყოფოში გადაიყვანეს. მას თავის ქალისა და ხერხემლის მოტეხილობა აღენიშნება. მამაკაცი დაკავებულია.
გავრცელებული ცნობით, მამაკაცი ეგვიპტიდან მოსკოვში ბრუნდებოდა. ის 31 წლის ბელარუსის მოქალაქეა. კადრებში ჩანს, რომ ბრალდებული არაადეკვატურად იქცეოდა.
მოგვიანებით მედიამ დაკავებული მამაკაცის კადრები გაავრცელა, სადაც ჩანს, რომ ის არაადეკვატურია და ხელებს სხვადასხვა მიმართულებით უმისამართოდ შლის.
კომენტარები