აშშ-ის სახელმწიფო მდივანმა, მარკო რუბიომ რუსეთისთვის დამატებითი სანქციების დაწესების შესახებ ევროპულ მოწოდებებს ცივი წყალი გადაასხა, – წერს ამერიკული გამოცემა POLITICO.
როგორც გამოცემა აღნიშნავს, ეს ნატოს საგარეო საქმეთა მინისტრებისთვის მოულოდნელი აღმოჩნდა.
სამშაბათს საღამოს, უკრაინის თემაზე გამართული კერძო ვახშმის დროს, რუბიომ მიანიშნა, რომ სენატი, სავარაუდოდ, რუსეთისთვის სანქციების გაზრდის შესახებ კანონპროექტს მას შემდეგ განიხილავს, რაც დონალდ ტრამპის მიერ წარდგენილ საგადასახადო და ხარჯვით ზომებზე მუშაობას დაასრულებს.
რამდენიმე საათის შემდეგ, ნატოს სამიტის ფარგლებში, POLITICO-სთვის მიცემულ ექსკლუზიურ ინტერვიუში, რუბიომ განმარტა ადმინისტრაციის მიზეზები რუსეთისთვის შემდგომი სანქციების დაწესების გადადებაზე.
„თუ გავაკეთებდით იმას, რაც ყველას აქ უნდა, ანუ მივიდოდით და გავანადგურებდით მათ მეტი სანქციებით, ალბათ დავკარგავდით მათთან ცეცხლის შეწყვეტის შესახებ საუბრის შესაძლებლობას და მერე ვინ ესაუბრებოდა მათ?“ – აღნიშნა მარკო რუბიომ.