ამერიკელი მილიარდერის და მისი საცოლის, ყოფილი ტელეჟურნალისტის ლორენ სანჩესის ქორწილის გამო, ვენეცია ნაწილობრივ დაიხურა. ღონისძიება პარასკევს, 27 ივნისს გაიმართება, თუმცა ქალაქის ზოგ რაიონში გადაადგილება უკვე შეუძლებელია.
ადგილზე უსაფრთხოების მკაცრი ზომებია მიღებული, მობილიზებულია პოლიცია და სამხედრო დანაყოფები, ზოგი შენობის სახურავზე კი სნაიპერებიც არიან განთავსებულები.
ბეზოსმა, რომლის ქონებაც 200 მილიარდი დოლარით ფასდება, ვენეციაში სხვადასხვა დაწესებულებას ქველმოქმედების სახით 2 მილიონი ევრო გადაურიცხა, სტუმრებს კი საჩუქრების ნაცვლად ქალაქის რეკონსტრუქციის დაფინანსება სთხოვეს.
მოსალოდნელია, რომ ქორწილს 200 სტუმარი დაესწრება, მათ შორის ივანკა ტრამპი, ბარბრა სტრეიზანდი, ოპრა უინფრი, ლეონარდო დიკაპრიო, ორლანდო ბლუმი, ბილ გეიტსი და ა.შ.
ადგილობრივი მოსახლეობა ქორწილს საპროტესტო აქციებით დახვდა, ლოზუნგით „ბეზოსის ადგილი აქ არ არის“, ვენეციის მერი კი ქალაქის მილიარდერისთვის მიყიდვაში დაადანაშაულეს.