აშშ-ის პრეზიდენტმა, დონალდ ტრამპმა განაცხადა, რომ აშშ დაუყოვნებლივ წყვეტს ყველა სავაჭრო მოლაპარაკებას კანადასთან.
ამის მიზეზი კანადის მიერ ციფრული სერვისების გადასახადის შემოღებაა, რომელიც ამერიკულ ტექნოლოგიურ კომპანიებს ეხება.
„ჩვენ ახლახან შევიტყვეთ, რომ კანადამ, რომელთანაც ისედაც უკიდურესად რთულია ვაჭრობის წარმოება, მათ შორის მრავალწლიანი 400%-მდე საბაჟო გადასახადები ჩვენს რძის პროდუქტებზე, ციფრული სერვისების გადასახადი დააწესა ჩვენი ტექნოლოგიური კომპანიებისთვის. ეს არის პირდაპირი და აღმაშფოთებელი თავდასხმა ჩვენს ქვეყანაზე“, – აღნიშნა აშშ-ის პრეზიდენტმა.
მისი თქმით, კანადა იმეორებს ევროკავშირის ქმედებებს, რომელიც ასევე განიხილავს აშშ-ის მიმართ მსგავსი გადასახადის შემოღების შესაძლებლობას.
„ამ ყოველივე გამომდინარე, ჩვენ ვწყვეტთ კანადასთან სავაჭრო საკითხებზე ყველა დისკუსიას ამ მომენტიდან. მომდევნო შვიდი დღის განმავლობაში ჩვენ შევატყობინებთ კანადას იმ საბაჟო გადასახადის ოდენობას, რომლის გადახდაც მოუწევს აშშ-თან ბიზნესის წარმოებისთვის“, – დასძინა მან.