ირანის საგარეო საქმეთა მინისტრმა, აბას არაღჩიმ სიციალურ ქსელ X-ში დაწერა, რომ თუ აშშ-ის პრეზიდენტს, დონალდ ტრამპს თეირანთან გარიგების დადება სურს, ის უპატივცემლოდ არ უნდა იხსენიებდეს ქვეყნის სულიერ ლიდერს, აიათოლა ალი ხამენეის.
„თუ პრეზიდენტ ტრამპს გარიგების დადება გულწრფელად სურს, მან უარი უნდა თქვას უპატივცემლო და მიუღებელი ტონით ისაუბროს ირანის უზენაეს ლიდერზე, დიდ აიათოლა ხამენეიზე და მილიონობით მის მიმდევარს ტკივილი არ მიაყენოს“, – დაწერა არაღჩიმ.
ირანის პირველმა დიპლომატმა ტრამპს „მამიკო“ უწოდა.
„დიად და ძლიერ ირანელ ხალხს, რომელმაც მსოფლიოს დაანახა, რომ ისრაელის რეჟიმს არჩევანი არ აქვს გარდა იმისა, რომ გაიქცეს „მამიკოსთან“, რათა ჩვენმა რაკეტებმა ის არ გაჭყლიტონ, არ უყვარს მუქარები და შეურაცხყოფები. თუ ილუზიები უარეს შეცდომებამდე მიიყვანს, ირანი დაუფიქრებლად აჩვენებს საკუთარ რეალურ შესაძლებლობებს, რაც, უსათუოდ, ბოლოს მოუღებს ნებისმიერ ილუზიებს ირანის ძალასთან დაკავშირებით“, – დასძინა არაღჩიმ.
ცნობისთვის, ტრამპმა გუშინ განაცხადა, რომ უკმაყოფილოა იმით, რომ ალი ხამენეი, რომ ისრაელთან ომი მოიგო. ის ირანის სულიერ ლიდერს ტყუილის გავრცელებაში ადანაშაულებს.