რობერტ ფიცო მიიჩნევს, რომ უკრაინის ევროკავშირში გაწევრიანება სლოვაკეთისთვის სასარგებლო იქნება, თუმცა უკრაინის ლიდერებთან პირდაპირი დიალოგის აზრს ვერ ხედავს, რადგანაც ფიქრობს, რომ ზელენსკის და უკრაინელ მაღალჩინოსნებს ის სძულთ. ამის თაობაზე რობერტ ფიცომ სლოვაკური არხისთვის მიცემულ ინტერვიუში განაცხადა.
„უკრაინის ევროკავშირში გაწევრიანება სლოვაკეთს მეტ უპირატესობას მიანიჭებს, ვიდრე ავნებს. ეს მოგებიანი იქნება თავად უკრაინისთვისაც, მაგრამ ჩემს შეხვედრას უკრაინის პრეზიდენტთან აზრი არ აქვს, რადგან მე მას ვძულვარ. ამიტომაც ვერ ვხედავ მიზეზს მასთან შეხვედრისთვის. მე სლოვაკეთის პრემიერ-მინისტრი ვარ და ჩემი ამოცანა იმის უზრუნველყოფაა, რომ ქვეყანაში გაზის ფასი უკრაინის გამო არ გაიზარდოს“, – აცხადებს ფიცო.
კომენტარები